Gipahibalo ni House Majority Leader Ferdinand Alexander “Sandro” A. Marcos nga tinuyo niyang gi-inhibit o gilikayan ang tibuok proseso sa impeachment nga naglambigit kang Presidente Ferdinand Marcos Jr., nga ang iyang amahan.
Sumala ni Marcos, ang iyang pag-inhibit naglangkob usab sa Committee on Justice, diin ang iyang papel limitado sa pagka-ex officio member tungod sa iyang posisyon isip Majority Leader.
Gipasiugda niini nga ang Committee on Justice mopatuman sa mga katungdanan nga gawasnon ug independente, subay sa mga probisyon sa Konstitusyon ug sa mga lagda sa House of Representatives.
Mikatakda usab ang komite nga magtigom sa Pebrero 2, 2026, ubos sa pagpangulo ni Justice Committee Chairman Rep. Gerville Luistro.
Diin ang miting nagtumong sa pagkonsolida sa duha ka impeachment complaints nga gisang-at.
