Naluwas sa Philippine Coast Guard (PCG) ang 210 ka pasahero ug 15 ka tripulante sa motor launch AS Express 2 human kini makasinati og problema sa steering ug rudder samtang naglayag sa dagat duol sa Baluk-Baluk Island, Basilan, alas 4:47 sa kadlawon, karong Lunes, Pebrero 2, 2026.
Sumala sa PCG, ang Search and Rescue (SAR) team sakay sa BRP Tubbataha (MRRV-4401) dali dayong miresponde sa maong insidente ug nakumpirma nga ang ML AS Express 2, nga nagbiyaheng gikan sa Banguingui, Sulu padulong sa Zamboanga City, nakasinati og steering o rudder casualty.
Gitabangan sa pagpakuha sa PCG ang barko sa mabaw nga katubigan ug gidala kini sa mas luwas nga dapit sa baybayaon.
Human niini, hapsay ug luwas nga gibalhin ang 128 ka pasahero, samtang ang nahibiling 82 ka pasahero ug 15 ka tripulante nagpabilin sakay sa barko.
Hinuon,walay natalang nga injury sa maong panghitabo.
