Gipahugtan sa mga awtoridad sa seguridad ang mga lakang agig pangandam sa umaabot nga eleksyon sa parlamento sa Bangsamoro Autonomous Region in Muslim Mindanao (BARMM).
Matod ni Police Colonel Allen Rae Co, pangulo sa Public Information Office sa Philippine National Police (PNP), gipatuman ang “full alert status” sa Bangsamoro Region sugod sa udto sa Septiyembre 11.
Magpabilin kini nga gipatuman hangtod sa Setyembre 30.
Ubos sa full alert status, gikinahanglan nga anaa sa ilang mga gitahasan nga posisyon ang 100 porsyento sa pwersa sa kapulisan.
Anaa sa kinatibuk-an nga 10,439 ka mga personahe sa kapulisan ang gipakatap sa rehiyon.
Padayon usab silang nagpahigayon og pagpaniid ug pagpangolekta og impormasyon bahin sa bisan unsang grupo nga nagtinguha sa pagmugna og kagubot atol sa eleksyon.
Sa pagkakaron, adunay 27 ka mga lugar nga gi-classify ubos sa “red category,” lakip na ang 21 sa Lanao del Sur, tulo sa Maguindanao del Sur, ug tag-usa sa Maguindanao del Norte, Basilan, ug sa Special Geographic Areas.
