Nakapatay ang mga armadong grupo og halos 200 ka mga tawo sa managlahing massacre sa hilit nga mga baryo sa sentral ug amihanang Nigeria.
Sa central Kwara state, giatake sa mga armadong lalaki ang komunidad sa Woro, nga nakapatay og 170 ka mga tawo, sumala sa lokal nga magbabalaod nga si Saidu Baba Ahmed.
Kini ang deadliest assault nga natala karong tuiga sa distrito nga kasikbit sa estado sa Niger, usa ka lugar nga gipuntirya sa mga armadong lalaki nga nanglungkab sa mga baryo, nangidnap sa mga residente ug nangawat og mga kahayupan.
Sa usa ka lahi nga pag-atake sa amihanang estado sa Katsina, ang mga armadong lalaki nakapatay og 21 ka mga tawo, diin ang mga suspek nagbalay-balay ug nagpusil sa ilang mga biktima, sumala sa lokal nga pulisya.
Gi-report usab sa magbabalaod nga ang mga armadong lalaki naglibot sa mga residente, gihigot ang ilang mga kamot sa ilang likod ug gipusil sila hangtod namatay.
Ang tigpamaba sa kapulisan sa Kwara nga si Adetoun Ejire-Adeyemi miingon nga ang mga pulis ug militar gipadala na sa lugar alang sa mga operasyon sa pagpangita ug pagluwas.
Gituohan nga ang mga jihadist ang anaa sa luyo sa massacre nga nagwali sa baryo. Nanawagan sila sa mga lokal nga bawion ang ilang suporta sa estado sa Nigeria ug mobalhin ngadto sa sharia, o balaod sa Islam. Sa dihang midumili ang mga residente, gipamusil sa mga militante ang mga residente atol sa sermon niadtong Martes, Pebrero 3.
Kini nakabungkag sa unom ka bulan nga kasabutan sa kalinaw tali sa komunidad ug sa armadong grupo.
Samtang, ang mga awtoridad sa Nigeria nakigtambayayong sa Estados Unidos aron hugtan ang seguridad, bisan pa nga ilang gihimakak nga adunay sistematikong paglutos sa mga Kristiyano.
