Niabot na sa pito ang namatay sa Bagyong Basyang sa Northern Mindanao, ug pito ang nasamdan.
Sumala ni Director Antonio Sugarol sa Office of the Civil Defense (OCD) Region 10, upat ka tawo ang kumpirmadong namatay tungod sa landslide sa Barangay Agusan, Cagayan de Oro City.
Sa mga nasamdan, duha gikan sa Cagayan de Oro, tulo gikan sa Gingoog City, ug duha gikan sa Iligan City.
Laing tawo ang gitaho nga nawala sa Tagoloan, Lanao del Norte.
Samtang, ang Public Information Officer sa Iligan City Police Office unang nagreport sa Bombo Radyo Cagayan de Oro nga tulo ka tawo ang namatay sa ilang siyudad, apan wala pa kini gikumpirma sa OCD-10.
Apil niini ang usa ka tigbalita nga giatake sa kasingkasing sa dihang gibahaan ang ilang balay, ug duha ka patayng lawas ang nakit-an gikan sa suba.
Sa kinatibuk-an, kapin sa 40,000 ka pamilya ang naapektuhan sa bagyo sa Northern Mindanao.
Gihatagan sila og pagkaon ug mga butang nga dili pagkaon gikan sa Department of Social Welfare and Development (DSWD).
