Subling magpahigayon og kilos-protesta kontra-korapsyon ang pipila ka mga grupo, dungan sa anibersaryo sa EDSA People Power Revolution sa Pebrero 25.
Sumala ni Taumbayan Ayaw sa Magnanakaw at Abusado Network Alliance (TAMA NA) Convenor Dr. David San Juan, daghang mga kalihokan nga naka-line up alang sa usa ka adlaw nga rally ang gi-finalize, sama sa martsa sa EDSA, protesta sa EDSA Shrine, misa, ug uban pang mga programa nga magpakita sa kasuko sa katawhan batok sa nagpadayon nga korapsyon.
Basi sa inisyal nga miting nga gihimo, ang mga rallyista nga miapil sa Trillon Peso March (Septyembre-21 Luneta rally), ug Nobyembre-30 rally kay gikataho nga moapil usab.
Ingon man nga ang ubang mga grupo nagpahayag usab sa ilang panaghiusa.
Gilauman sa grupo nga TAMA NA nga moabot sa napoo ka libo (10,000) ka miyembro ang motambong sa rally, gawas pa kini sa mga miyembro sa ubang mga grupo.
Sa pagkakaron, ang grupo walay plano nga mopahigayon og rally sa Luneta Park ug ipahigayon lang ang protesta sa EDSA, isip pagsaulog sa ika-40 nga anibersaryo sa malinawong rebolusyon.
Gipasiugda ni San Juan nga gusto sa mga grupo nga ipakita pag-usab nga ang matag Pilipino adunay katungod ug gahum sa pagpangutana sa gobyerno ug pagpanubag sa mga opisyal nga nalambigit sa lain-laing klase sa mga anomaliya, sama sa mga nalambigit sa gibutyag nga flood control scandal.
