Gidayeg sa mga opisyales sa Department of Environment and Natural Resources (DENR) ang inisyatiba sa Kgamhanang Lalawigan sa Sugbo kabahin sa province-wide cleanliness and waste management plan nga gitanyag isip positibong kalambuan sa probinsya.
Kini ang personal nga gipadayag ni DENR Assistant Secretary Norlito Eneran ato sa pagbisita niini sa Kapitolyo niadtong Pebrero 5 human sa ilang halapad nga imbestigasyon sa makalilisang nga Binaliw Sanitary Landfill landslide niadtong Enero 8.
Kahinumduman nga niadtong Enero 12, mipirma si Cebu Provincial Governor Pamela “Pam” Baricuatro sa Executive Order No. 3, series of 2026 sa pag-institutionalize sa Provincial Cleanliness and Waste Management Plan isip opisyal nga sumbanan sa sanitasyon, pagkunhod sa basura, segregasyon, recycling, ug composting sa tibuok Sugbo.
Ang maong kamanduan kay nagtukod sa Provincial Solid Waste Management Board nga gipangulohan sa Office of the Governor isip overseer.
Atol sa maong panagpulong, sila siP rovincial Administrator Atty. Ace Durano ug Assistant Provincial Administrator Aldwin Empaces kauban ang ubang mga department heads kay nagsuta sa fact-finding investigation sa DENR sa kahimtang sa Binaliw Landfill ingon man sa solid waste management programs sa lalawigan ug dakbayan sa Sugbo.
Gisuta sa fact-finding mission ang kondisyon sa mga biktima, ang mga hinabang pinansyal sa ilang mga pamilya, ug ang operayon sa pribadong operator nga Prime Integrated Waste Solutions Inc.
Gikatakdang isumiter ang reports ngadto kang DENR Secretary Raphael Lotilla sa dila pa matapos ang Pebrero 2026 aron makamugna og solusyon sa mga problema ug ang pagpasaka og kaso batok sa mga responsible indibidwal sa dugo-ong panghitabo.
Gani matod pa ni Provincial Environment and Natural Resources Office Chief Rodel Bontuyan nga ang solid waste plan sa lalawigan kay ulahing na-review niadto pang 2018 ubos sa administrasyon ni kanhi Governor Hilario “Junjun” Davide III apan wala kini hatagi og dakong bili sa nakalabayng unom ka tuig nga miresulta sa limitadong technical assistance para sa inter-local government cooperation.
