CENTRAL VISAYAS- Gisugyot sa buhatan sa Land Transportation Office – Central Visayas pinaagi sa bag-ong pangu niini nga si Regional Director Francisco “Franz” Ranches Jr. ang pagpaminus sa ihap sa aksidente sa kadalanan sa rehiyon.
Kini ang gipamahayag ni Ranches atol sa pakighinabi niini sa Bombo Radyo Cebu News Team kun diin gitataw niini nga inisyal nga target niya sa iyang administrasyon sa LTO-7 kay ang 10% nga pagkunhod sa matalang kakulian sa kadalanan may kalabot na sa mga behikulo.
Gilatid niini nga makab-ot nila kini pinaagi sa pag-seryoso sa pagluwat og lisensya sa mga aplikante nga gipailawm og mas masusing drivers education ma-theoretical man o practical.
Subay niini, gipadayag sab ni Ranches ang importansya sa kanunay nga pagmentinar sa mga sakyanan sa “road worthiness” niini aron luwas ang mga kadalanan sa mga posibleng mechanical failures sa mga sakyanan.
Andam kining makig-alayon sa mga Non-Government Organizations (NGOs), Local Government Units (LGUs), ug sa Philippine NAtional Police – Highwya Patrol Group (PNP-HPG) aron mas mapalapad ang mayong pamatasan sa kadalanan kung magmaneho og sakyanan.
Gipasiugda sab sa Regional Director ang ilang pagpalapad sa libreng theoretical driving course lessons sa mga bag-ong aplikante og drivers license aron mapatigom sa gastuhon sa mga pribadong driving schools ang mga aplikante.
Gani sa pagkakaron base sa ilang datus kay ang ahensya nakadalit na og kapin P7-milyones nga balor sa libreng theoretical driving course nga nakapalapad sa kalam sa kaluwasan sa kadalanan sa mga bag-ong mga drayber og sakyanan.motorista.
Giabagan kini sila sa BFP Iligan ug Iligan City Disaster Risk Reduction and Management Office isip pagpakita sa ligdong nga inter-agency cooperation sa disaster response.
