Gikumpirma sa Department of Justice nga ang reklamo sa malversation nga giatubang ni kanhi Sen. Bong Revilla Jr. gisumite na alang sa resolusyon.
Kini gipaambit ni Atty. Polo Martinez, ang tigpamaba sa departamento, sa usa ka interbyu kaniya bahin sa reklamo.
Susihon o tun-an sa prosekusyon ang pending nga resolusyon aron mahibal-an kung unsang aksyon ang himuon sa reklamo.
Posible nga ang resolusyon ug ang desisyon niini magpasaka sa reklamo isip usa ka kaso o ibasura kini ug dili ipadayon sa angay nga korte.
Dugang nga gipaambit sa tigpamaba nga ang nahisgutang kaso sa malversation batok sa kanhi senador adunay kalabotan sa usa ka anomalosong proyekto nga konektado sa kompanya nga SYMS Construction Trading.
Samtang, ang reklamo kabahin sa unang batch sa ‘lima ka kaso’ nga gisang-at sa Department of Justice, ang tulo niini ang kasamtangang ‘pending for release’ sumala ni Justice Spokesperson Atty. Martinez.
Samtang ang ‘reklamo sa malversation’ batok ni kanhi Sen. Revilla ‘pending review’.
Bisan pa niini, si Atty. Martinez, wala gipaambit ang piho nga petsa kung kanus-a ipagawas ang katapusang resolusyon sa prosekusyon bahin sa reklamo.
Kung kahinumduman, nga una na nga mipagawas og pamahayag si Atty. Martinez niadtong Enero 12 ning tuiga, nga ang kaso sa malversation batok sa kanhing magbabalaod ‘gisumite alang sa resolusyon’.
Bahin niini, gipaambit sa opisyal nga ang ‘timeline’ nga gikonsiderar dinhi kay 60 ka adlaw gikan sa pagpasaka sa reklamo sa dili pa kini hingpit nga masulbad sa prosekusyon.
Sa pagkakaron, anaa siya sa kustodiya sa Bureau of Jail Management and Penology ug gibilanggo sa New Quezon City Jail sa Payatas, Quezon City.
