Unang batang Briton, natawo gikan sa matres nga gikuha gikan sa patay nang donor

Usa ka batang lalaki ang nahimong unang bata sa United Kingdom nga natawo gamit ang matres nga gi-transplant gikan sa usa ka patay na nga donor.

Si Grace Bell, 30-anyos ug natawo nga wala’y matres, malipayong mipahibalo nga napulo ka semana na ang iyang anak nga si Hugo nga klarong gikan matud pa sa milagro.

Sila Bell ug ang iyang partner nga si Steve Powell, gikan sa Kent, nagpasalamat sa kamaayo ug pagkamanggi-hunahunaon sa donor ug sa pamilya niini tungod sa ilang nadawat nga regalo dayong pasalamat sa medical teams sa Oxford ug London nga misuporta sa ilang kaagi.

Matud sa mga surgeons, makonsiderar nga ground-breaking moment ang pagkahimugso ni Hugo nga naghatag og paglaum sa daghan pang kababayen-an nga aduna’y susamang diagnosis.