Gipadayag ni Atty. Nicholas Kaufman nga gidawat na ni kanhi Presidente Rodrigo Duterte ang iyang kapalaran, lakip ang posibilidad nga mamatay sa prisohan, sa katapusang pahayag sa depensa sa atubangan sa International Criminal Court (ICC).
Sumala sa abogado, giingon ni Duterte nga siya usa ka matinud-anong alagad sa katawhang Pilipino ug gusto niyang mahinumduman tungod sa iyang pagserbisyo.
Iyang giingon nga nahimo na niya ang iyang trabaho ug nabilin na ang iyang kabilin.
Kini apil sa iyahang kompletong panapos nga pamahayag, diin iyang gitubag ang mga ebidensyang gipresentar sa prosekusyon ug gipatin-aw ang baruganan sa iyang kliyente.
Gitapos ni Kaufman ang hearing pinaagi sa paghangyo sa mga huwes nga dili kumpirmahon ang mga kaso batok kang Duterte ug tugotan ang 80-anyos nga kanhi presidente nga makabalik sa iyang pinuy-anan sa Davao City.
