Nakasinati og dugang problema angmga residente sa mga apektadong lugar sa pagbalik sa pagbuto sa baga nga abo gikan sa Bulkan Kanlaon niadtong Biyernes sa buntag, Pebrero 27, 2026.
Ang plume nagpakita nga ang bulkan aktibo pa gihapon human sa miaging kasarangan nga pagbuto niadtong Huwebes sa gabii.
Padayon nga gimonitor sa PHIVOLCS ang kahimtang sa bulkan aron masiguro ang kaluwasan sa mga komunidad sa palibot.
Gitambagan usab ang publiko nga magpabiling alerto ug mosunod sa mga advisory nga gi-isyu sa mga lokal nga gobyerno ug mga ahensya sa gobyerno.
Padayon nga gimonitor sa mga awtoridad ang posibleng dugang nga kalihokan sa bulkan samtang gipahinumdoman ang mga residente nga likayan ang mga delikado nga lugar sulod sa Permanent Danger Zone.
Nakaabot na ang abo sa La Castellana, La Carlota City, San Enrique, Pontevedra, Hinigaran, Isabela, Kabankalan City, San Carlos City, Himamaylan City, Binalbagan, ug Cauayan, Negros Occidental.
Samtang, sa mga lugar sa Bago City ug Moises Padilla, nakasinati sa baho og sulfur ang pipila ka mga barangay, ug ang uban mibakwit na sa ilang mga balay, ilabi na sa La Carlota ug La Castellana.
