Gipaambit sa aktres ug host nga si Anne Curtis ang iyang tensiyonado nga kasinatian human ang iyang paglupad paingon sa United Arab Emirates (UAE) napugos sa pagbalik sa Milan, Italy tungod sa nagpadayon nga mga airstrike sa Middle East.
Sa iyang Instagram Stories, ang host miingon nga paingon na unta siya sa Dubai aron makauban ang iyang pamilya.
Dugang niya nga nakabantay siya og laing jet ug dayon gipahibalo nga ang ilang eroplano mobalik na sa Milan tungod sa nagpadayon nga mga airstrike.
Nangayo usab si Anne og mga pag-ampo alang sa mga pamilya nga naapektuhan sa kagubot sa rehiyon ug nanghinaut nga mogaan na ang mga butang sa dili madugay.
Miulbo ang tensyon sa Middle East niadtong Sabado human ang Estados Unidos ug Israel milunsad og mga pag-atake sa Iran, diin ang media sa estado sa Iran nagtaho nga namatay ang Supreme Leader nga si Ayatollah Ali Khamenei.
Agig tubag, ang Iran naglunsad og sunod-sunod nga mga missile ug drone strike sa rehiyon, lakip na sa Dubai, usa sa labing importante nga travel hub sa kalibutan nga nagkonektar sa Europe ug Asia.
