Gikatahong kapin sa 101 ka mga tripulante ang nga nawala human ang Iranian Navy frigate nga IRIS Dena (75) nalunod sa gawas sa teritoryo sa Sri Lanka niadtong Miyerkules.
Matud ni Sri Lankan Foreign Minister Vijitha Herath nga naluwas sa navy ug air force ang 32 ka mga samaran nga marinero, kadaghanan kanila anaa sa kritikal nga kondisyon.
Nahitabo ang insidente samtang ang barko mibalik gikan sa MILAN 2026 International Fleet Review nga gipahigayon sa India.
Ang mga naluwas nga tripulante gidala dayon sa usa ka ospital sa Galle, diin sila gitambalan.
Bisan kung adunay mga taho nga ang barko gitorpedo sa usa ka submarino, dili pa klaro kung unsang nasud ang responsable sa maong pag-atake.
Ingon man nga ang pagkalunod sa IRIS Dena nakahatag og kabalaka sa rehiyon, labi na sa panahon nga nagkagrabe ang tensyon sa Middle East.
