Gisaway ni Senador Imee Marcos ang ehekutibo sa pagbutyag sa giingong panagkunsabo tali sa gobyerno ug sa International Criminal Court (ICC) kalabot sa pag-dakop kang kanhi Presidente Rodrigo Duterte.
Pinaagi sa Senate Resolution No. 340 nga gisang-at niadtong Martes, gi-obligar sa senador ang administrasyon nga ipahibalo sa publiko ang tanang komunikasyon ug kasabutan sa ICC, dungan sa unang anibersaryo sa pag-aresto kang Duterte gahapong adlawa Marso 11.
Gikritika ni Marcos ang nagkasumpaki nga mga posisyon sa gobyerno, ilabina ang giingong pakig-alayon ni Justice Secretary Jesus Crispin Remulla sa nahisgutang langyaw nga korte.
Nanawagan si Marcos nga paninglon ang mga opisyal nga nakalapas sa Konstitusyon ug gipangayo ang hinanaling pagbalik ni Duterte sa nasud.
Mahinumduman nga pormal nga miatras ang Pilipinas gikan sa Rome Statute niadtong 2019, busa kusganong gisupak sa senador ang pagbalewala sa Philippine Judiciary pabor sa mga warrant of arrest sa ICC.
