Usa ka German teenager ang nang-carnap og bus gikan sa usa ka transportation company aron gamiton nga paghatod sa iyang uyab sa eskwelahan ngadto sa lain syudad.
Ang bagito kay usa ka 15-anyos nga taga-Wiesbaden, Germany, diin kaniadtong Biyernes sa buntag kay misulod kini sa bus depot aron mukuha og master key sa mga sakyanan dayon giyang gikawat ang bus nga walay nakabantay.
Apan nakuhaan sa CCTV footage ang maong panghitabo diin ang mga staff sa depot kay wala lang nabalaka kay gaduda silang ila ra kining kauban sa trabaho ang mimaneho sa bus.
Pagtungtong na sa hapon nabantayan sa management nga kuwang ang imbentaryo sa ilahang bus hinungdan nga ilang gisuta ang GPS device niini dayon didto na natultolan nga nakalabang na kini sa laing syudad kapin 130 kilometros ang gilay-on.
Gikataho sa mga kapulisan nga ang motibo sa bagito sa pag-carnap sa bus kay aron mahatod lang niya ang iyang 14-anyos nga uyab sa eskwelahan niini.
Hinungdan nga mag-atubang kini sa mga reklamong theft ug unlicensed driving nga gibuhat lang niya “ng dahil sa pag-ibig.”
