Kapin sa 50,000 ka mga balikbayan boxes nga gipadala gikan sa mga Overseas Filipino Workers (OFWs) sa mga langyaw nga mga nasud ang nahatod nagyud sa ilang mga pamilya human kini malangan sulod sa pipila ka buwan tungod sa kakuwang sa pag-atiman sa mga box-handling companies sa mga pantalan sa nasud.
Personal nga giduyugan og midistribute sa mga balikbayan boxes si Department of Finance (DOF) Secretary Frederick Go sa Cebu Port Authority Sports Facility, sa North Reclamation Area ning dakbayan sa Sugbo.
Gibutyag ni Secretary Go nga gihatagan dayun nila og aksyon sa DOF ang mga natangong nga liboan ka mga balikbayan boxes sa mga pantalan.
Dugang niini mupasaka usab sila og kaso nga Large Scale Estafa og Cybercrimes pinaagi sa pakig-alayon sa National Bureau of Investigation (NBI) sa mga box handling companies nga maoy nangayu ug kwarta sa mga OFWs og mamahimong ma-blocklisted sila og dili na makaoperate.
Gipasalig sa DOF nga walay bayranan ang pagkuha sa mga kahon ug dili pasagdan sa gobyerno nga mailad pa pagbalik ang mga OFWs nga nagpadala og hinagoan nilang kaayuhan gikan sa gawas nasod.
Gipasidan-an usab ang publiko nga magbantay sa mga kahon nga gi-offer sa “sobrang barato” nga shipping fee, tungod kay posible kini nga modus o scam.
Importante nga lakang ang pag-waive sa ubang bayronon sa pantalan aron mapagawas dayon ang mga kahon nga natanggong.
Padayon usab ang panawagan sa gobyerno sa mga OFW nga magpadala lamang pinaagi sa lehitimong cargo companies aron malikayan ang kalisdanan ug posibleng pagpanikas.
