Gipaambit ni Manila Rep. Joel Chua nga si Bise Presidente Sara Duterte posibleng nakahimo og kalapasan sa eleksyon kon mapamatud-an nga ang iyang kampanya sa 2022 nakadawat og pundo gikan sa mga Intsik nga may kalabotan sa Pharmally.
Sumala sa Omnibus Election Code, gidili ang mga langyaw sa pag-amot sa mga kampanya, ug ilegal usab alang sa mga kandidato ang pagdawat sa maong mga donasyon.
Dugang ni Chua nga kini mahimong moresulta sa usa ka salaod nga paglapas sa Konstitusyon ug usa ka klaro nga paglapas sa mga balaod sa eleksyon kon ang mga nalambigit mapamatud-an nga mga langyaw.
Basi sa affidavit ni Ramil Madriaga, kinsa nagpaila sa iyang kaugalingon nga kanhi aide ug bagman ni Duterte, nakadawat siya og minilyon ka pesos gikan kang Lin Weixiong ug mga negosyante nga sila si Tony Yang ug Michael Yang alang sa mga kalihokan sa kampanya.
Diin ang pundo giingong gigamit sa operasyon sa ISIP, usa ka non-profit nga giingong gitukod aron suportahan ang kandidatura ni VP Sara.
Gipunting usab ni Chua nga lahi nga isyu kung kini nga mga donasyon gideklara ba sa Statement of Contributions and Expenditures (SOCE) sa Bise Presidente.
Samtang, ang House Committee on Justice nagpabilin nga bukas sa kiliran ni Duterte aron tubagon ang mga pasangil, samtang nagpadayon siya sa pag-absent sa mga hearing ug nagsang-at og petisyon sa Korte Suprema aron ihunong ang proseso.
