Gipahibalo ni Japanese Prime Minister Sanae Takaichi nga ang financial cooperation nga mokabat sa USD10 bilyon aron matabangan ang mga nasud ug kompanya sa pagpalit og krudo, taliwala sa nagpadayon nga kawalay kasiguruhan kahusayan sa Middle East.
Gipahibalo ni Takaichi ang lakang sa usa ka online summit meeting nga may kalabotan sa Japan-led Asia Zero Emission Community framework nga naglambigit sa mga nasud sa Southeast Asia ug Australia, diin giingnan ni Takaichi ang mga tigbalita nga suod sila sa mga nasud nga adunay kalambigitan sa Asya pinaagi sa supply chain.
Sa maong miting, gilunsad sa prime minister ang “Partnership on Wide Energy and Resources Resilience,” usa ka bag-ong cooperation framework aron magtukod og usa ka rehiyonal nga reserba ug sistema sa pagpagawas sa krudo, pagsuporta sa pagtukod og mga tangke sa pagtipig ug uban pang imprastraktura, pag-diversify sa mga tinubdan sa enerhiya, ug pagpasiugda sa mga pamuhunan nga makadaginot sa enerhiya.
Matod pa, ang pinansyal nga kooperasyon sa Japan ihatag pinaagi sa Japan Bank for International Cooperation nga kauban sa gobyerno ug uban pa.
Ubos sa suporta, ang mga loans ihatag ngadto sa mga kompanya sa mga nasud sa Asya nga adunay mas ubos nga creditworthiness kaysa Japan nga naglisod sa pagsiguro sa pondo alang sa pagpalit sa krudo.
Ang pondo nga ihatag sa Tokyo katumbas sa gasto sa pagpalit hangtod sa 1.2 bilyon nga bariles sa krudo, o ang kantidad nga gi-import sa mga miyembro sa Association of Southeast Asian Nations sulod sa halos usa ka tuig.
Subay niini, gitino usab nga ang AZEC usa ka inisyatibo sa decarbonization nga adunay 11 ka miyembro nga mga nasud, diin gitawag kini og AZEC Plus, gipangulohan sa Japan ug gitambongan usab sa mga lider sa South Korea, Bangladesh, ug East Timor, nga wala maapil sa balangkas.
Gidawat sa mga partisipante nga nasud ang bag-ong cooperation framework, sumala sa pahayag sa tsirman nga gipagawas pagkahuman sa miting.
Taliwala sa nagkagrabe nga sitwasyon sa Middle East, ang China nagtanyag og suporta sa mga miyembro sa ASEAN ug nakighisgot sa pipila ka mga nasud bahin sa kooperasyon sa suplay sa enerhiya.
Giisip sa Japan ang ASEAN nga usa ka importanteng kauban sa mga supply chain sa produkto niini, tungod kay mga 10,000 ka mga kompanya sa Japan ang nagnegosyo sa mga nasud nga miyembro niini. Naglaum ang Tokyo nga ang pagtanyag og tabang makapugong sa China sa pagpalapad sa impluwensya niini sa rehiyon.
