Mipahimangno ang buhatan sa Environmental Management Bureau-Central Visayas sa publiko nga mag-amping sa posibleng risgo nga hangin nga mahanggab sa katawhan hilabi na sa mga bulnerable nga indibidwal sa Metro Cebu.
Matud ni Engineer Arthur Niño Calupig, ang Air Monitoring Quality Personnel sa EMB-7 nga aduna silay na monitor nga posibleng risgo nga kalidad sa hangin sa Metro Cebu, diin moabut sa Particulate Matter (PM2.5) nga nagpasabot sa delikado nga kalidad sa hangin nga posibleng mahanggab sa mga sensitibong mga indibidwal.
Sigon niini nga ang posibleng bati nga kalidad sa hangin, posibleng mugna sa padayong sitwasyon sa Kanlaon Volcano, apan giklaro niini nga dili nato ilimod ang possible nga mga rason sama sa polusiyon sa hangin nga mugna sa emisyon og polusiyon nga gikan sa mga sakyanan og pabrika.
Gipahimangnoan usab sa EMB-7 ang publiko nga likayan ang paggawas sa panimalay kung dili importante ang mga lakaw hilabi na sa mga adunay problema sa baga.
Giawhag usab niini ang publiko nga magsul-ob og N-95 mask aron malikayan ang paghanggab sa mga “particulates” nga gidala sa hangin.
