Gipahibalo ni US President Donald Trump nga iyang gipalugwayan ang ceasefire uban sa Iran human kini gihangyo sa Pakistan, samtang naghulat sa usa ka “unified proposal” o “hiniusang sugyot” gikan sa Tehran.
Sumala ni Trump, ang ceasefire magpabilin nga gipalugwayan hangtod nga maaprobahan sa Iran ang ilang sugyot ug mahuman ang mga negosasyon sa bisan unsang paagi.
Bisan paman niini, ang proseso sa kalinaw nagpabilin nga dili sigurado samtang ang duha ka semana nga ceasefire hapit na matapos.
Nagduha-duha gihapon ang Iran sa pag-apil sa mga bag-ong pakigsabot, nga gitawag nila nga “unacceptable actions” o “dili madawat nga mga aksyon” sa Amerika, lakip ang nagpadayon nga pagbabag niini sa Strait of Hormuz.
Gikataho usab nga gikansela sa Estados Unidos ang gikatakda nga pagbisita ni Vice President JD Vance sa Pakistan alang sa ikaduhang hugna sa mga negosasyon, samtang ang ubang mga opisyal sa Estados Unidos nagkonsulta pa kung giunsa pagnegosasyon ang mga pakigsabot sa kalinaw.
Samtang, ang mga opisyal sa Pakistan nagpadayon sa pagpaningkamot nga makig-uli sa duha ka habig aron malikayan ang pagsilaob pag-usab sa gubat.
Sa pagkakaron, ang posibilidad sa bag-ong mga negosasyon o ang pag-usbaw pag-usab sa tensyon nagpabilin nga bukas, samtang gihulat ang desisyon sa Iran ug Estados Unidos.
