Misalmot ang kapin 60 ka mga bombero og responders gikan sa Cebu City Fire Station sa gipahigayon nga Awareness Symposium mahitungod sa Traffic Rules ug Related Laws kini aron madungagan pa ang ilang kahibalo sa balaod sa trapiko diin gipahigayun niadtong Byernes, Abril 24, 2026 sa Parian Fire Station.
Matud ni Fire Senior Inspector Atty Cerfranz A. Boniel, ang Chief Regional Internal Affairs Service og hepe sa Cordova Fire Station, nga mahinungdanon ang maong kampanya, aron sa paglikay sa mga aksidente sa kadalanan.
Kini subay sa mga aksidenting mahitabo nga gikalambigitan og mga emergency vehicles sama sa ambulansiya og firetrucks nga gamiton panahon sa emerhensiya.
Gihimug-atan ni Atty. Boniel, nga limitado lang ang prebihiliyo nga nahisubay sa RA 4136 o ang Land Transportation and Traffic Code, nga nagdumala sa road safety, vehicle registration, driver licensing ug traffic rules.
Dugang niini nga kinahanglang magmatngon sa mga balaud sa trapiko og mag-amping sa kadalanan aron mapanalipdan ang kinabuhi og kaluwasan sa isig katawo.
