Nakahimo og kasaysayan sa natad sa “bioart” ang performance artist nga si Stelarc human siya mahimong unang tawo nga malampusong nakabutang og ikatulong dalunggan sa iyang bukton.
Naabtan og kapin usa ka dekada ug tulo ka plastic surgeons aron matuman ang proyektong “Ear On Arm”.
Nagpasulod ang mga doktor og saline solution ug silicon implant sa iyang braso, sa wala pa kini gi-ukit ang panit aron mahimong porma og dalunggan sa tawo.
Gawas sa pagka-art, literal nga nakadungog ang nasangpit nga dalunggan.
Gibutangan kini og gamay nga mikropono sa sulod aron makakuha og tingog.
Bisan og temporaryong gitanggal ang mikropono tungod sa impeksiyon, plano ni Stelarc nga ibalik kini og ikonektar sa internet.
Ingon man nga kon gani mahitabo kay magsilbing remote listening device ang iyang braso diin ang bisan kinsang gikan sa ubang nasud mamahimong makapaminaw nga live ang nadungog sa iyang dalunggan sa braso.
Plano usab niyang himoong Bluetooth system ang dalunggan diin ang receiver ug speaker ibutang sa sulod sa iyang ba-ba.
Sumala ni Stelarc, kung dunay motawag sa iyang cell phone, makig-estorya siya gamit ang dalunggan sa braso ug madungog niya ang tingog sa sulod mismo sa iyang ulo.
Kung ibuka niya ang iyang ba-ba, madungog usab sa mga tawo sa palibot ang tingog sa iyang kaestorya nga daw anggikan sa sulod sa iyang lawas.
