Gipasalig ni President Ferdinand R. Marcos Jr. ang padayon nga suporta sa gobyerno aron mapalambo ang kahimtang ug career progression sa mga magtutudlo sa nasud.
Sa iyang pagpamulong atol sa pagpanumpa sa kapin 9,000 ka bag-ong na-promote nga mga magtutudlo sa Rehiyon 6, giingon sa Presidente nga padayon ang gobyerno sa paghatag og oportunidad sa promosyon ug pag-ila sa serbisyo sa mga educators.
Ang seremonya gihimo sa Villareal Stadium sa Roxas City, Capiz karung adlawa Abril 27, 2026, isip kabahin sa Expanded Career Progression (ECP) program sa administrasyon.
Kung diin, ang mass promotion sa 8,009 ka magtutudlo gikan sa walo ka Schools Division Offices sa Western Visayas, nga giisip nga pinakadako nga seremonya sa promosyon sa ilawom sa ECP hangtod karon.
Lakip sa mga na-promote mao ang mga magtutudlo nga giangat gikan sa Teacher IV hangtod Teacher VII, ug gikan sa Master Teacher I hangtod Master Teacher V.
Si Presidente Marcos ug Unang Ginang Louise Araneta-Marcos mismong misaksi sa maong seremonya.
Ang programa gipatuman ilawom sa Republic Act No. 12288 ug Executive Order No. 174, s. 2022.
