Gipakatap ang kapin sa 4,000 ka mga sakop sa kapulisan sa Dakbayan sa Lapu-Lapu sugod kagahapong adlawa, Biyernes Mayo 1, 2026 subay na sa pagpangandam alang sa ika-48 nga ASEAN leaders Summit sa Mayo 7-8.
Matud ni Police Colonel Agosto P. Daskeo, ang City Director sa Lapu-Lapu City Police Office, nga sugod kagahapong adlawa gipaubos na sa full alert status ang mga sakop sa kapulisan sa Dakbayan sa Lalapu, alang sa pagpangandam sa pag-abut sa mga delegado.
Sigon niini, nga taliwala sa pagpangandam og pagpahugot sa siguridad, wala pa hinouy natala nga mga kakulian maylabot sa hulga sa siguridad.
Subay sa pagpangandam, padayon usab sila sa pagpahigayon og patroling alang sa pagpatuman sa Safer Cities Initiative, diin adunay pagronda sa alas 10 sa gabie hangtud na sa alas 3 sa buntag.
Gihimug-atan usab ni Daskeo, nga sa unang hugna sa pagpatuman sa maong inisyatiba, daghan ang nabadlongan og nadakpan niini apan inanay na usab nga mipatou ang mga oponganon.
Sagad sa mga masigpatan matagpatroling sa mga kapulisan mao ang mga under-age nga madakpan sa curfew, og mga residente nga mag-topless sa mga pampublikong lugar.
Pasidaan usab ni Daskeo, nga posibleng adunay pagkabalda sa dagan sa trapiko, gumikan sa mga rerouting nga gipatuman alang sa mga delgegado nga maglatas sa kadalanan.
