Gilista sa “kuwestiyonable” ang status ni Minnesota star Anthony Edwards alang sa unang dula sa ikaduhang hugna sa playoffs batok sa San Antonio Spurs.
Ang team miingon nga si Edwards nagpaalim pa sa nahiaguman nga injury sa iyang wala nga tuhod.
Naangkon niya ang injury sa Game 4 sa unang hugna sa playoff matchup sa Timberwolves batok sa Denver Nuggets.
Tungod niini, wala siya nakaduwa og duha pa ka dula sa wala pa sila makaabante sa ikaduhang hugna sa playoffs.
Ang pagbalik ni Edwards usa ka dako nga tabang alang sa Timberwolves batok kang Victor Wembanyama sa Spurs.
Gawas kang Edwards, si Donte DiVincenzo dili usab makaduwa tungod sa nabali nga tuo nga Achilles tendon.
Si Ayo Dosunmu kuwestyonable usab tungod sa paghubag sa iyang tuo nga bitiis.
