Nakumpleto na ang ang 2026 Playoffs picture human sa pagtapos sa Play-In Tournament karong adlawa, Abril 18.
Sa postseason, 16 ka NBA teams ang magtigi alang sa gitinguha nga championship trophy sa katapusan sa 2025-2026 season.
Sa pagsugod sa Playoffs, ang Oklahoma City Thunder mao gihapon ang naghupot sa pinakamaayong NBA record gisundan sa San Antonio Spurs.
Ang duha ka teams mao ang una ug ikaduhang teams sa western conference.
Samtang ang Detroit Pistons mao ang naghupot sa unang pwesto sa eastern conference.
Ang Pistons, San Antonio, ug Thunder mao lamang ang mga teams karong season nga nakakuha og 60 ka daog.
Samtang, base sa iskedyul sa torneyo, ang ika-4 ug ika-5 nga teams, ang Cleveland Cavaliers ug ang Toronto Raptors, unang mag-atbang, nga gikatakda ugma, Abril 19.
Kini lamang ang matchup sa unang adlaw sa playoffs.
Pagkasunod adlaw, walo ka teams ang magtigi, nga gipangulohan sa Denver Nuggets batok Minnesota Timberwolves ug sa New York Knicks batok Atlanta Hawks.
Ang semifinals gilauman nga magsugod sa tunga-tunga sa Mayo samtang ang Conference Finals gilauman nga magsugod sa ulahing bahin sa maong bulan.
Kung diin, ang unang dula sa Finals gikatakda sa Hunyo 3, 2026.
