Napaambak sa game-winning 3-pointer nga si RJ Barrett ang 19,919 ka fans atol sa nahibiling 1.2 segundos sa overtime, hinungdan nga nakaduso ang Toronto Raptors sa ilang Eastern Conference first-round playoff series ngadto sa ikapitong duwa pinaagi sa pagpildi sa Cleveland Cavaliers, sa iskor nga 112-110.
Naa untay higayon si Evan Mobley nga modaog alang sa Cleveland apan ang iyang 3-pointer na-bounce sa atubangan sa ring sa pagkahurot sa oras.
Samtang si Scottie Barnes nakapuntos og 25 puntos ug 14 ka assists, sila si Barrett ug Ja’Kobe Walter susamang nakapuntos og 24 puntos ug si Collin Murray-Boyles nakadugang og 17 samtang ang Toronto nakalahutay human mawad-an og 11 puntos nga labaw sa ikaupat nga quarter.
Subay niini, ang Game 7 ipahigayon sa Cleveland karong adlawa, diin ang home team nakadaog sa tanang unom ka duwa sa series.
Ingon man nga gihimug-atan ni Cavaliers coach Kenny Atkinson ang kamahinungdanon sa ilang pakigbisog nga makuha ang home-court advantage. Mipasalig usab kini nga mobawi ug hingpit nga pangandaman ang duwa karong adlawa.
