Nagmando si Mandaue City Mayor Jonkie Ouano alang sa pagpanglimpyo sa mga posibleng rota nga maagian sa syudad sa Mandaue alang sa mga deligado sa ASEAN Leader Summit 2026, usa na niini mao ang UN Avenue, Ouano Avenue.
Mao kini ang gipamahayag ni Atty. Riczen Gingoyon, ang Executive Secretary ni Mayor Ouano, diin iyahang gidugang nga mismo ang mayor sa Mandaue ang nangunay sa pagsubay sa mga naasoyng dapit.
Gani, gitino niini nga sa milabayng semana, hingpit nang nataod 12-14 ka mga post sa ngit-ngit nga lugar, nga mao usab ang giklaro ni Mayor Ouano nga ipasigurong mapahamtangan og suga busa sa maong pagkapostada, giila kini nga maayong balita.
Samtang, giasoy usab ni Gingoyon nga lakip sa ilahang giround mao ang Ouano Avenue ug aduna pa silay naabtang vandalism.
Apan pamaagi sa pagpahibalo niini, ang uban mga barangay ni-aksyon dayun sa pagpamintal sa mga bong-bong nga adunay daghang suwat-suwat.
Ingun man nga gikabutyag usab niya nga kada-adlaw aduna silay monitoring ilabi na sa mga kadalanan nga adunay basura, diin gitahasan ang makakita niini nga picture-ran lang aron malimpyohan dayun sa dili madugay
