Miabot na sa nasud ang pinakabag-ong offshore patrol vessel sa Philippine Navy, ang umaabot nga BRP Rajah Lakandula.
Sa pahayag sa Philippine Navy niadtong Sabado, Mayo 9, giingon nga gipahigayon ang arrival ceremony sa barko sa Naval Operating Base-Subic niadtong Mayo 8.
Ang BRP Rajah Lakandula gitukod sa HD Hyundai Heavy Industries sa Ulsan ug miabot sa Pilipinas niadtong Mayo 4 isip kabahin sa padayon nga capacity-building ug modernization program sa Philippine Navy.
Sa iyang pakigpulong, si Vice Admiral Caesar Bernard Valencia miingon nga ang barko nagsimbolo sa kalig-on ug kaisog ni Rajah Lakandula, ang kanhing lider sa Tondo sa wala pa ang panahon sa kolonyalismo.
Gipasabot usab sa Philippine Navy nga ang bag-ong offshore patrol vessel makatabang sa pagpalig-on sa maritime security operations ug sa pagmintinar sa presensya sa nasud sulod sa iyang teritoryal nga katubigan.
