Gipasanginlan ni Vice President Sara Duterte si President Ferdinand Marcos Jr. nga responsable sa kagubot sa Senado ug sa kasamtangang sitwasyon sa nasud.
Sumala sa Bise Presidente, adunay giingong “pag-abuso sa gahum” ug kakulang sa pagtahod sa institusyon sa Senado taliwala sa bag-ohay nga mga tensyon sulod sa lehislatura.
Giingon usab ni Sara Duterte nga ang administrasyon giingong naggamit sa tanang makinarya sa gobyerno batok sa mga wala mosuporta sa Presidente.
Tungod niini, nipalag ang Malacañang, nga nag-ingon nga mas maayo nga dili na lang patulan ang mga pahayag sa Bise Presidente, nga ilang giingon nga walay basehan ug walay sulod.
Sumala sa Palasyo, ang nasud nanginahanglan og usa ka alagad sa publiko nga naka-focus sa serbisyo publiko ug dili sa pagpakatap og intriga ug sayop nga impormasyon.
