Gikanayon sa Bureau of Internal Revenue (BIR) nga gahapong adlawa, Mayo 15, mao na ang katapusang adlaw sa pag-file ug pagbayad sa Annual Income Tax Returns (AITRs) sa mga magbubuhis.
Sa usa ka pahayag niadtong Biyernes, gipahimangnoa sa BIR ang mga magbubuhis nga wala pa maka-file ug nakabayad sa ilang Annual Income Tax Returns nga makompleto ang ilang mga transaksyon sa labing sayo nga panahon, gamit ang electronic filing ug payment channels sa BIR.
Atol usab sa filing, gipalihok sa BIR ang mga Revenue District Offices (RDOs), eLounges ug mga taxpayer assistance center sa tibuok nasud, diin naghatag kini og filing assistance, electronic filing support ug giya sa magamit nga electronic payment channels.
Usa ka Electronic Tax Filing Center – Tax Assistance Center ang gitukod usab aron maghatag og dugang nga centralized taxpayer support para sa mga electronic filing concerns.
Si BIR Commissioner Charlito Martin Mendoza, Deputy Commissioners ug ubang mga opisyal sa BIR, maoy nidumala sa mga operasyon sa tibuok nasod, magmonitor sa mga taho gikan sa RDOs ug mga pasilidad sa pagtabang sa magbubuhis ug makigkoordinar sa diha-diha nga mga tubag sa mga kabalaka nga may kalabutan sa pag-file, pagsiguro sa padayon nga tabang sa mga magbubuhis hangtod matapos ang deadline.
