Gipanghimakak ni Former Cebu governor Gwendolyn Garcia ang mga hungihong nga naglambigit kaniya sa posibleng mga pag-endorso ug plano sa politika alang sa eleksyon sa 2028, nga nag-ingon nga ang iyang pokus nagpabilin sa pagtabang sa mga Sugbuanon taliwala sa nagpadayon nga mga hagit sa ekonomiya ug politika.
Sa usa ka pahayag nga gipagawas kaniadtong Martes, Mayo 20, 2026, si Garcia miingon nga siya wala kini nagsuporta sa bisan kinsa nga indibidwal nga interesado nga modagan alang sa bisan unsang posisyon, bisan pa sa iyang gihulagway nga gituohang mga taho ug mga espekulasyon nga naglibot sa iyang mga lakang sa politika.
Gani, giklaro pa niini nga wala silay political plans nga i-anunsyo, maski alang sa iyahang kaugalingon o ni si bisan kinsa.
“I likewise have no political plans to announce, whether for myself or for anybody else.”
Ang gobernador miingon nga adunay mas nag-unang mga kabalaka nga nanginahanglan dayon nga atensyon, labi na ang mga panginahanglanon sa mga residente nga nag-atubang sa mga kalisud nga dala sa krisis sa ekonomiya ug politika.
Busa, matod niya, matuohon siya nga angayang hatagan og pagtagad karon ang mga nanginahanglan niining mga panahon sa krisis, ekonomiya ug politika.
“Right now, I believe my focus should be on how I may be able to extend assistance to those in need during these times of crises, economic and political.”
Gipasiugda usab ni Garcia nga ang politika kinahanglan nga ibutang sa luyo samtang ang serbisyo publiko nagpabilin nga prayoridad.
Ang iyang pamahayag migawas taliwala sa padayon nga espekulasyon bahin sa posibleng mga alyansa ug mga kandidato nga gikonsiderar alang sa eleksyon sa 2028 sa Cebu ug sa ubang bahin sa nasud.
