-- ADVERTISEMENT --
Gikumpirma sa acting US Navy Secretary nga ang planong pagbaligya sa mga armas sa US ngadto sa Taiwan gi-postpone.
Sumala ni acting secretary Hung Cao, temporaryo nilang ihunong ang planong paghatud sa $14 bilyon nga kantidad sa mga armas nga gipalit sa Taiwan aron masiguro nga ang militar sa US adunay igong mga bala para sa operasyon sa “Epic Fury” sa Iran.
Dugang nga gipasabot sa opisyal sa US nga ang pagbaligya sa mga kagamitan sa militar sa Taiwan magpadayon kung ang administrasyon ni US President Donald Trump nag-isip niini nga kinahanglanon.
Hangtod karon, ang US State Department ug Pentagon wala pa nagpagawas ug opisyal nga pahayag bahin sa mga komento sa acting secretary.
