Gipusil-patay sa mga ahente sa Secret Service ang usa ka indibidwal nga nagpabuto duol sa usa ka security checkpoint sa gawas sa White House complex niadtong Sabado sa gabii.
Sumala sa inisyal nga imbestigasyon sa Secret Service, ang suspek miduol sa checkpoint sa wala pa ang alas 6:00 sa gabii ug kalit nga nagpabuto sa mga gitudlo nga opisyal.
Mibalos og pusil ang mga awtoridad ug gibunalan ang suspek, kinsa sa ulahi gideklarar nga patay sa usa ka lokal nga ospital.
Gikumpirma usab sa tigpamaba sa ahensya nga usa ka sibilyan nga naa sa palibot ang naigo sa bala atol sa insidente, apan dili pa klaro kung kini gikan ba sa inisyal nga pagpabuto sa suspek o sa sunod nga pagbayloay og pusil.
Daghang mga tigbalita sa White House ang nakadungog og sunod-sunod nga mga buto sa pusil mga alas 4:00 sa buntag lokal nga oras.
Gidala dayon sila sa mga ahente sulod sa press briefing room ug gi-lockdown ang tibuok building.
Sumala sa mga taho sa lokal nga media, gibanabana nga 15 hangtod 30 ka buto sa pusil ang nadungog sa lugar gikan sa nag-inusarang gunman nga misulay apan wala makaigo sa mga opisyal sa wala pa mobalos og pusil.
Gitangtang usab ang lockdown sa White House usa ka oras ang milabay, mga alas 7:00 sa gabii.
Si Presidente Donald Trump naa sa sulod sa iyang pinuy-anan sa White House sa dihang nahitabo ang pagpamusil apan ang iyang opisina wala pa nagpagawas ug pahayag.
Nahitabo ang insidente usa ka bulan human sa laing pagpamusil sa White House Correspondents Dinner.
