Nagpasidaan ang Bangko Sentral ng Pilipinas (BSP) sa publiko batok sa mga peke nga online post nga naggamit sa mga ngalan ug mga imahe sa mga iladong personalidad sa gobyerno ug negosyo aron ipasiugda ang mga peke nga investment scheme.
Gipagawas sa BSP ang advisory taliwala sa usa ka nag-circulate nga post nga bakak nga nag-ingon nga si central bank Governor Eli Remolona Jr. gi-interbyu sa ANC Headstart uban sa financial coach nga si Chinkee Tan.
Diin iyang giklaro nga walay interbyu nga nahitabo.
Giawhag sa sentral nga bangko ang publiko nga dili ipaambit ang peke nga post ug magpabiling mabinantayon batok sa online content nga bakak nga naggamit sa ngalan sa BSP ug sa mga opisyal niini.
Gitambagan usab niini ang publiko nga susihon ang mga kadudahang mensahe o pahibalo pinaagi sa opisyal nga mga channel sa komunikasyon sa BSP.
