MANDAUE CITY, CEBU- Kumpirmadong patay ang usa ka langyaw nga German National human kini na-trap ug na-suffocate sulod sa usa ka pension house nga gilamoy sa dakong sunog sa F.B. Cabahug Street, Barangay Guizo, Dakbayan sa Mandaue, sayo sa buntag karong Biyernes, Mayo 29, 2026.
Nailhan sa mga otoridad ang nasunog nga dapit nga mao ang Maanyag Pension House.
Ang patayng lawas sa biktima dinalian nga gipaubos sa makuting imbestigasyon ug pagsusi sa mga sakop sa Scene of the Crime Operatives (SOCO) ug Philippine National Police (PNP) Forensic Group.
Tungod sa maong trahedya, dinalian nga milihok ang City Social Welfare Services (CSWS) sa Mandaue City aron sutaon ang kahimtang sa uban pang mga nag-abang ug magpapatigayon sa naapektuhang establisamento.
Gihatagan na sa CSWS og pasiunang pagkaon, tubig, ug dinalian nga ayudang rasyon ang mga biktima nga daling gihikling.
Sa pagkakaron, wala pa’y pinal nga datos ang mga otoridad kung pila ang kinatibuk-ang gidaghanon sa mga indibidwal nga hingpit nga nawad-an og puy-anan ug kung aduna ba’y laing naangol sa maong sunog.
Ang mga sakop sa Bureau of Fire Protection (BFP) Mandaue ug kapulisan, nisusi sa mao nga dapit aron masuta ang tinuod nga hinungdan ug gigikanan sa pag-ulbo sa kalayo, ingon man ang pagtapos sa clearing operations.|With reports of Bombo Rocky Lavarez
