Gikatakdang mopahigayon ang Sandiganbayan sa arraignment ug pre-trial sa kaso nga giatubang ni Sen. Jinggoy Estrada karong adlawa, Hunyo 2.
Base sa impormasyon, ang ikaduhang dibisyon sa Sandiganbayan magsugod sa pagbasa sa indictment ug sa preliminary hearing o pre-trial sa kaso sa alas 1:30 sa hapon.
Dinhi, si Sen. Jinggoy mag-atubang og kaso nga kalapasan sa Section 3(e) sa Republic Act 3019 o ang Anti-Graft and Corrupt Practices Act.
Gawas sa senador, ang iyang kaubang akusado sa kaso mao ang kanhi kalihim sa Department of Public Works and Highways nga si Manuel Bonoan.
Atol sa arraignment ug pre-trial, posible nga hisgutan ang mga mosyon nga gisang-at ni Sen. Jinggoy Estrada sa korte.
Kagahapon, nagsang-at siya og Motion to Reset Hearing ug usa usab ka Urgent Omnibus Motion Ad Cautelam aron hangyoon nga ibasura ang kaso o ‘i-quash ang impormasyon’.
Ikaduha, ang kaso angay ibasura o ang husay angay ihunong ug ang imbestigasyon angay ablihan pag-usab.
Si Sen. Estrada, gawas sa kasong graft, nag-atubang usab og kasong plunder nga gisang-at sa Office of the Ombudsman kalabot sa imbestigasyon sa kaylap nga korapsyon sa mga proyekto sa pagkontrol sa baha.
