Wala’y nakitang krisis sa konstitusyon ang Malacañang bisan pa sa nagpadayon nga panagbangi bahin sa liderato sa Senado.
Kini ang gipahayag ni Palace Press Officer Claire Castro human gipangutana kung ang panaglalis bahin sa liderato sa taas nga balay balauranan, labi na bahin sa isyu sa special session ug impeachment trial, posible nga mosangpot sa krisis sa konstitusyon.
Sumala ni Castro, klaro sa ehekutibo nga giila niini si Acting Senate President Win Gatchalian isip lider sa Senado.
Giingon usab sa opisyal nga ang bisan unsang posibleng problema sa pagpatuman sa mga lakang sa Senado usa ka butang sa taas nga balay balauranan ug dili sa ehekutibo.
Gikanayon usab niini nga dili na kinahanglan nga adunay panagbangi bahin sa liderato sa Senado ug nga ang pikas nga bahin kinahanglan nga modawat na lang sa pag-ila sa kasamtangang liderato.
Sa pikas bahin, nagsugod na ang pagpangandam sa House of Representatives alang sa ikalima nga State of the Nation Address (SONA) ni Presidente Marcos Jr. nga gikatakda sa Hulyo 27, 2026.
Atol sa unang inter-agency coordination meeting, si House Secretary General Atty. Cheloy Velicaria-Garafil miingon nga “simplicity” mao ang tema sa SONA karong tuiga. Diin wala na’y mga red carpet ug long gown, ug ang mga motambong giawhag sa pagsul-ob og simple apan angay nga sinina.
