Gisuspenso sa executive bureau sa International Criminal Court (ICC) si Chief Prosecutor Karim Khan tungod sa mga alegasyon sa sexual misconduct.
Ang 21-member bureau sa Assembly of States Parties (ASP), nga nagdumala sa ICC, nakahukom pinaagi sa qualified majority nga suspendihon si Khan samtang naghulat sa katapusang desisyon sa bureau isip competent decision-maker.
Gipasiugda sa bureau nga ang suspension wala magpakita sa katapusang resulta.
Kahinumduman nga si Khan giakusahan sa giingong malaw-ay nga pamatasan sa usa ka babaye nga empleyado nga nagtrabaho ubos kaniya. Nagsugod ang isyu sa sayong bahin sa 2024, sa dihang giakusahan si Khan sa usa ka babaye nga assistant nga miingon nga siya gi-harass ug gipugos sa daghang dili maayo nga mga kalihokan.
Sa wala pa ang opisyal nga suspension, boluntaryong nag-file si Khan og leave of absence niadtong Mayo 2025 aron tugotan ang imbestigasyon, diin balik-balik niyang gihimakak ang mga alegasyon batok kaniya.
Nailhan si Khan sa pagdumala sa mga high-profile nga kaso, lakip ang mga warrant batok kang Russian President Vladimir Putin ug Israeli Prime Minister Benjamin Netanyahu, ingon man ang imbestigasyon batok kang kanhi Presidente Rodrigo Duterte.
Tungod sa suspensyon, siya usab nadiskwalipika sa pagdumala sa kaso sa kanhi presidente sa Pilipinas.
