Gikaliwan ang usa ka iring nga gitawag og “serial rat killer” human giingong nakadakop kini og 27 ka ilaga sulod lamang sa usa ka gabii.
Sumala sa tag-iya niini, naanad na sila nga usahay adunay ginadalang “regalo” nga ilaga ang ilang alagang iring, apan wala nila damha nga mokabat kini og 27 ka buok sa usa lamang ka gabii.
Nakapatingala sa daghang netizens dili lamang ang talagsaong abilidad sa iring sa pagpangayam kondili usab ang talagsaon nga paagi niini sa paghan-ay sa mga nadakpan nga ilaga.
Imbes nga pasagdan lang ang mga ilaga nga nagkatag, maampingon kining gilinya sa usa ka tul-id nga han-ay sa salog nga daw adunay inventory o inspection nga gihimo.
Mas nalingaw pa ang mga netizens sa pagkahan-ay sa mga ilaga diin adunay uban nga nagbinuang nga daw “gi-ranggo base sa seniority” samtang ang uban naka-ingon nga sama kini og graduation ceremony sa mga ilaga.
Tungod niini, dagsang memes ug kataw-anan nga komento ang mitumaw online diin gikompara ang iring sa usa ka istriktong drill sergeant ug organisado nga curator.
Sa kasamtangan, padayon nga nagviral ang maong iring ug nahimong internet celebrity tungod sa iyang talagsaong hunting skills ug kakaibang pagka-organisado human sa pagpangayam.
