Veteran musician Bing Austria, mitaliwan sa edad nga 62

Mitaliwan na ang beteranong Filipino musician nga si Abraham “Bing” Austria sa edad nga 62.

Gikumpirma sa iyang pamilya nga nakigbisog siya sa sakit nga sepsis sulod sa pipila ka tuig, ug nagpabilin og pipila ka semana sa intensive care unit (ICU).

Nagpasalamat ang pamilya sa mga higala nga mitabang sa pinansyal nga aspeto alang sa iyang pagpatambal.

Si Austria kabahin sa daghang iladong mga banda sama sa Put3Ska ug sa reggae group nga Tropical Depression, sa wala pa siya nahimong frontman sa Juan Pablo Dream.

Nagpahayag usab sa ilang pahasubo ang mga kaubang mag-aawit ug musikero nga nakatrabaho ni Austria.