Padayon nga nagpaayo ang 12 ka estudyante sa San Jose National High School sa Tacloban City, Leyte nga nasamdan sa insidente sa pagpamusil niadtong Hunyo 22, sumala sa Department of Education (DepEd).
Base sa pinakabag-ong report sa DepEd niadtong Hunyo 27, ang tanang mga estudyante nga naospital human sa insidente anaa na sa “stable to recovering condition.”
Matud sa ahensya, padayon nga gimonitor ang kahimtang sa matag estudyante.
Usa kanila nagpabilin sa Intensive Care Unit (ICU) apan conscious ug coherent, samtang ang ubang mga biktima nagpaayo na, nahuman na sa operasyon, o nakagawas na sa ospital.
Gipasalig sa DepEd nga nagpadayon ang ilang koordinasyon sa mga ospital ug sa mga pamilya sa mga apektadong estudyante aron masiguro nga makadawat sila sa gikinahanglan nga medikal, psychosocial, ug uban pang suporta hangtod sa hingpit nilang pagkaayo.
