-- ADVERTISEMENT --
Nagpatuman ang DTI og 60 ka adlaw nga price freeze o temporaryong pagpahunong sa pagsaka sa presyo sa mga nag-unang palitonon sa mga dapit nga naigo sa magnitude 7.8 nga linog sa Mindanao.
Tumong sa maong lakang nga mapabilin nga barato ang presyo sa pagkaon ug uban pang nag-unang kinahanglanon samtang nagpadayon ang mga relief ug rehabilitation efforts sa mga apektadong komunidad.
Kahinumduman nga ang kusog nga linog nga miigo duol sa Maasim, Sarangani niadtong Lunes, diin nagbilin kini og lapad nga kadaot sa nagkadaiyang bahin sa Mindanao.
Gipahayag ni Trade Secretary Cristina Roque nga adlaw-adlaw nga nag-monitor ang mga regional office sa kagamhanan aron masiguro nga anaa ang suplay sa pagkaon ug dili mosaka ang presyo sa mga palitonon.
