Gihimakak ni Interior Secretary Jonvic Remulla ang mga nanggawas nga taho nga nakadawat ang gobyerno sa Pilipinas og warrant of arrest gikan sa International Criminal Court (ICC) batok kang Senador Christopher “Bong” Go ug duha ka kanhing opisyal sa kapulisan.
Matod ni Remulla, walay opisyal nga dokumento o warrant nga gihawiran karon ang Department of the Interior and Local Government (DILG) o ang Philippine National Police (PNP) kalabot niini.
Diin si Go ginganlan kaniadto sa ICC isip usa sa giingong “co-perpetrators” ni kanhi Presidente Rodrigo Duterte nga may kalabotan sa madugoon nga ‘war on drugs.’
Gihatagan usab og gibug-aton sa kagamhanan nga gikinahanglan gihapon nga hatagan sa saktong due process ang mga opisyal ug dili basta-basta moaksyon basi lamang sa mga dokumento nga gipakaylap sa pipila ka pribadong indibidwal o grupo.
Ang maong isyu naggumikan sa padayong imbestigasyon sa ICC kalabot sa giingong “crimes against humanity” ubos sa kontrobersyal nga war on drugs sa administrasyon ni kanhing Pangulong Rodrigo Duterte.
