Mipadayag si Cebu City Councilor Jun Alcover, sa iyang pagsupak sa paglisod-lisud sa mga rekisitos alang sa pagclaim sa mga miyembro nga Senior Citizens sa Dakbayan atoll sa mga pay-out.
Matud ni Alcover nga supak siya sa gipagawas nga Executive Order ni Cebu City Mayor Nestor Archivalm sa pagdili pagdawat sa mga dili orihinal nga mga IDs sa Senior Citizen membership sa panahon sa ting claim sa ilang assistance.
Sigon niini nga dili na kinahanglan ang maong pag-require niini gumikan kay aduna nay listahan og numero nga magsilbing timaan sa membership sa usa ka senior citizen, hinungdan nga ang pag-require sa original copy sa IDs posibleng makabalda sa pagdawat sa ilang kwarta.
Gihimug-atan ni Alcover nga ang mga senior citizens sagad niini malimtanon na hinungdan iya kining gipanghingusgan nga dili angay lisod-lisuron ang mga benepisyaryo.
Dugang niini, nga ang pag-atiman sa mga katiguwangan dili lang usa ka obligasyon sa balaod, apan sukdanan og timaan usab isip usa ka Kristiyanong katilingban.
Giawhag usab sa opisyal nga i-review sa Mayor ug ikonsiderar ang pagpatuman sa maong executive order pinaagi sa tawhanon ug liberal nga pagpang-apod-apud niini alang sa mga Senior Citizens.
