Gisaoy ni Carlo Ochea Mabansag, usa ka Sangguniang Barangay Member sa Brgy. 84, Tacloban City, ang nahitabo sa usa ka makalilisang ug madugoon nga shooting incident sa San Jose National High School sa Tacloban, diin matod niya, nakadawat siya og mga mensahe sa iyahang “Kagawad Caloy” page, kinsa nagpakitabang kini tungod kay adunay pagpamusil nga nahitabo sa usa ka lawak sa maong tunghaan.
Atol sa eksklusibong pagkab-ot sa Bombo Radyo Cebu sa linya ni Mabansag, iyaha pang gitino nga daw dili luwas nga makagawas ang mga bisan kinsang indibidwal nga anaa sa maong area, hinungdan sa dihang nakadawat siya og mga mensahe, iyaha usab kining gipadangat sa sakop sa Kapulisan.
Dugang niya, human niya makigkomunikar sa sakop sa Kapulisan, dali siyang miresponde sa maong tunghaan ug didto na niya naabtan ang mga naangol nga mga estudyante nga aduna nay dinaliang panginahanglan nga madala sa tambalanan.
Gani, gikabutyag usab ni Ochea nga ang usa sa mga biktima ug napatay sa mga suspestsado kay anak sa usa ka Barangay Tanod sa Brgy. 84, ug adunay ubay-ubay nga samdan usab sa maong panghitabo.
Hinuon, giklaro ni Ochea nga adunay ipahigayon nga pagpang-inspection sa dili pa mosulod sa San Jose NH, kay siya mismo usab naka-experience niini gumikan kay sa susamang tunghaan usab siya ni gradwar kaniadto.
Apan, wala niya gilimod nga sa luyong bahin sa maong tunghaan, mamahimo rang makalayat o tabok ang mga estudyante gumikan kay dili ingun ana ka taas ang Kural niini.
