Gihuptan na sa Philippine National Police (PNP) ang dugang unom pa ka mga armas nga iya ni Senador Ronald “Bato” Dela Rosa.
Sumala sa PNP, ang abogado sa Senador ang nag-turn over sa maong mga armas.
Nakig-alayon na usab ang PNP Firearms and Explosives Office ug ang Regional Civil Security Unit 4A (Calabarzon) sa mga pulis sa balay sa Senador sa Silang, Cavite alang sa temporaryong pagtipig.
Tungod niini, ang PNP adunay 26 ka mga armas na nga gikuptan.
Diin niadtong Hunyo 11, ang abogado sa Senador nag-turn over sa 20 ka mga armas.
Ang Senador aduna pa’y 91 ka mga armas gikan sa kinatibuk-ang 117 ka mga armas nga narehistro sa ngalan sa Senador.
Kahinumduman nga ang PNP Firearms and Explosives Office nag-isyu og mando nga bawion ang lisensya sa armas sa senador human sa pag-isyu og warrant of arrest tungod sa war on drugs atol sa panahon ni kanhi Presidente Rodrigo Duterte.
