Northern California, naigo sa magnitude 5.6 nga linog

Mitay-og ang magnitude 5.6 nga linog sa Mendocino County sa northern California niadtong Miyerkules, matod sa U.S. Geological Survey (USGS).

Ang sentro sa linog mga 11 kilometros amihanan sa Redwood Valley, sa giladmon nga 8.1 kilometros.

Hinuon, walay gitaho nga mga kadaot o naangol, ug walay nabati nga pagtay-og sa San Francisco Bay Area, mga 240 kilometros gikan sa sentro.

Samtang ang opisina ni California Governor Gavin Newsom miingon nga gipahibalo na kini sa insidente ug nakigtambayayong na sa mga opisyal sa emerhensya aron ipadayon ang pagtimbang-timbang sa potensyal nga epekto ug kadaot.