Gipasalig sa Palasyo sa Malacañang nga ang mga proyekto ug operasyon sa gobyerno dili malangan taliwala sa mga proseso sa impeachment batok kang Bise Presidente Sara Duterte.
Sumala ni Palace Press Officer USec. Claire Castro, ang ehekutibong sanga magpadayon sa ilang trabaho bisan pa sa bisan unsang mga isyu ug dili motugot nga malangan ang mga programa sa administrasyon tungod sa mga “obstructionists.”
Sa bahin sa Senado, gipasiugda sa Malacañang nga ang mga senador adunay kaugalingon nga mandato isip impeachment court ug mga magbabalaod, ug gilauman nga mokompleto sa ilang mga katungdanan. Naglaum usab ang Palasyo nga wala nay mga boycott sa mga sesyon.
Samtang, natapos na usab ang pre-trial conference sa impeachment case sa Bise Presidente human nahuman ang pagmarka sa mga dokumento sa ebidensya nga ipresentar sa impeachment trial.
Gipaambit usab ni Rep. Terry Ridon nga importante nga ablihan ang BIR box tungod kay posible nga anaa niini ang mga record sa buhis ni Sara Duterte ug sa iyang bana nga si Atty. Mans Carpio.
Sumala ni Ridon, importante nga gamiton nila kini isip ebidensya tungod kay matod niya nga ang katugbang sa Statement of Assets, Liabilities and Net Worth (SALN) sa Bise Presidente gikan sa 2007 hangtod 2024. Ingon man nga mahimong porma sa financial profile ni Duterte nga mahimong basehan sa iyang tinuod nga bahandi.
